11 Katapangan Mga Talata sa Bibliya

"Kayo'y magpakalakas at magpakatapang, huwag kayong matakot, ni mangilabot sa kanila; sapagkat ang Panginoon mong Diyos ay siyang pumaparoon na kasama mo; hindi ka niya kukulangin ni pababayaan ka man."

"Umasa ka sa Panginoon: ikaw ay magpakalakas, at magpatibay ang iyong puso; oo, umasa ka sa Panginoon."

"Datapwat nang makita nila na siya'y lumalakad sa ibabaw ng dagat, ay inakala nila na yao'y isang multo, at nagsisigaw; sapagkat nakita siya ng lahat, at nangaligalig. Datapwat pagdaka'y nagsalita siya sa kanila, at sa kanila'y sinabi, “Laksan ninyo ang inyong loob: ako nga; huwag kayong matakot.”"

"Ang kapayapaan ay iniiwan ko sa inyo; ang aking kapayapaan ay ibinibigay ko sa inyo: hindi gaya ng ibinibigay ng sanlibutan, ang ibinibigay ko sa inyo. Huwag magulumihanan ang inyong puso, ni matakot man."

"Oo, bagaman ako'y lumalakad sa libis ng lilim ng kamatayan, wala akong kakatkutang kasamaan; sapagkat ikaw ay sumasaakin; ang iyong pamalo at ang iyong tungkod, ay inaaliw ako."

"Sapagkat hindi tayo binigyan ng Diyos ng espiritu ng katakutan; kundi ng kapangyarihan at ng pag-ibig at ng pagpipigil sa sarili."

"Hindi ba kita binuhat? Magpakalakas ka at magpakatapang na mabuti; huwag kang matakot, ni manglupaypay: sapagkat ang Panginoon mong Diyos ay sasa iyo saan ka man pumaroon."

"Kayo'y mangagpuyat, mangagpakatibay kayo sa pananampalataya, kayo'y mangagpakalalaki, mangagpakalakas."

"Kayo'y mangagpakalakas, at magpatibay ng inyong puso, kayong lahat na umaasa sa Panginoon."

"At ang Panginoon, ay siyang lumalakad sa unahan mo; siya'y sasa iyo, hindi ka niya kukulangin, ni pababayaan ka man: huwag kang matakot, ni manglupaypay."

"Purihin nawa ang Diyos at Ama ng ating Panginoong Jesu-Cristo, ang Ama ng mga kaawaan at Diyos ng buong kaaliwan; na siyang umaaliw sa atin sa lahat ng ating kapighatian, upang ating maaliw ang nangasa anomang kapighatian, sa pamamagitan ng kaaliwan na inialiw sa atin din ng Diyos."