16 Pagkain Mga Talata sa Bibliya

"Ayon sa kanilang pastulan, gayon sila nangabusog; sila'y nangabusog, at ang kanilang puso ay nagmataas: kaya't kanilang nilimot ako."

"Marunong akong magtiis sa kakulangan, at marunong naman akong sumagana; sa bawat bagay at sa lahat ng bagay ay natutuhan ko ang lihim kung paano mabusog at kung paano magutom, kung paano sumagana at kung paano magtiis ng kakulangan."

"Si Juan nga ay may damit na balahibo ng kamelyo, at may isang sinturong balat sa palibot ng kaniyang baywang; at ang kaniyang pagkain ay mga balang at pulot-pukyutan."

"Sapagkat wala tayong dinalang anuman sa sanlibutan, at wala rin naman tayong mailalabas na anuman; ngunit kung tayo'y may pagkain at pananamit ay maging kontento na tayo roon."

"At sinabi niya sa kanila, “Wala ba kayong pagkaunawa? Hindi ba ninyo nalalaman, na anuman ang pumasok sa tao mula sa labas ay hindi nakakapagdungis sa kaniya; Sapagkat hindi pumapasok sa kanyang puso, kundi sa kanyang tiyan, at lumalabas sa dumi?” (Sa pagsasabi nito, ipinahayag niyang malinis ang lahat ng pagkain.)"

"Huwag kayong magbalisa sa inyong buhay, kung ano ang inyong kakanin; o sa inyong katawan, kung ano ang inyong daramtin. Sapagkat ang buhay ay higit kaysa pagkain, at ang katawan kaysa damit."

"At pagkakuha sa limang tinapay at sa dalawang isda, tumingala siya sa langit, pinagpala ang mga ito, pinaghati-hati, at ibinigay sa mga alagad upang ipamahagi sa maraming tao. At kumain silang lahat at nabusog; at kinuha ang mga lumabis na pira-piraso, labindalawang bakol."

"At araw-araw, habang sila'y nananatili sa templo na may pagkakaisa, at nagpipira-piraso ng tinapay sa mga bahay, ay nagsasalo sila sa kanilang pagkain na may galak at katapatan ng puso, na nagpupuri sa Diyos, at may pagbibigay-lugod sa buong bayan. At idinaragdag ng Panginoon sa simbahan araw-araw ang mga naliligtas."

"At siya na nagbibigay ng binhi sa naghahasik at ng tinapay bilang pagkain, ay magbibigay at magpaparami ng inyong binhi upang ihasik at palalaguin ang mga bunga ng inyong katuwiran."

"Humayo ka, kainin mo ang iyong pagkain na may kagalakan, at inumin mo ang iyong alak na may masayang puso; sapagkat tinanggap na ng Diyos ang iyong mga gawa."

"Ngunit sumagot siya at sinabi, “Nasusulat, ‘Hindi sa tinapay lamang mabubuhay ang tao, kundi sa bawat salitang lumalabas sa bibig ng Diyos.’”"

"Sinabi sa kanila ni Jesus, “Ako ang tinapay ng buhay. Ang lumalapit sa akin ay hindi magugutom kailanman, at ang sumasampalataya sa akin ay hindi mauuhaw kailanman.”"

"Bawat gumagalaw na bagay na may buhay ay magiging pagkain ninyo; gaya ng mga luntiang halaman ay ibinibigay ko sa inyo ang lahat ng bagay. Ngunit huwag ninyong kakainin ang laman na may buhay pa, na siyang dugo nito."

"“Dalhin ninyo ang buong ikasampung bahagi sa kamalig, upang magkaroon ng pagkain sa aking bahay. Subukin ninyo ako sa bagay na ito,” sabi ng Panginoon ng mga hukbo, “at tingnan ninyo kung hindi ko bubuksan ang mga bintana ng langit at ibubuhos sa inyo ang isang pagpapala na walang sapat na kalalagyan.”"

"Mapalad ang mga nagugutom at nauuhaw sa katuwiran, sapagkat sila ay bubusugin."

"Kaya nga sinasabi ko sa inyo: Huwag kayong magbalisa tungkol sa inyong buhay, kung ano ang inyong kakanin, o kung ano ang inyong iinumin; kahit tungkol sa inyong katawan, kung ano ang inyong daramtin. Hindi ba ang buhay ay higit kaysa pagkain, at ang katawan kaysa damit?"