16 Tipan Mga Talata sa Bibliya

"At kaniyang ipinahayag sa inyo ang kaniyang tipan, na kaniyang iniutos sa inyong tuparin, sa makatuwid baga'y ang Sangpung Utos; at kaniyang isinulat sa dalawang tapyas na bato."

"Ako'y nakipagtipan sa aking mga mata; paano nga namang titingin ako sa isang dalaga?"

"At aking pagtitibayin ang aking tipan sa inyo; at hindi na lilitaw ang lahat ng laman sa pamamagitan ng tubig ng baha; wala nang baha na lilitaw upang sumira ng lupa."

"Ngayon ang Diyos ng kapayapaan, na muling nagdala mula sa mga patay sa Dakilang Pastol ng mga tupa sa pamamagitan ng dugo ng walang hanggang tipan, sa makatuwid baga'y ang Panginoon nating si Jesus, ay pasakdalin nawa kayo sa bawat mabuting gawa upang gawin ang kaniyang kalooban, na gawin sa atin ang kalugod-lugod sa kaniyang paningin, sa pamamagitan ni Jesu-Cristo; na mapasa kaniya nawa ang kaluwalhatian magpakailan man. Amen."

"Datapuwat ngayon ay nagkamit siya ng ministeryong lalong higit na mahusay, palibhasa'y siya naman ang tagapamagitan ng isang lalong mabuting tipan, na itinatag sa lalong mabubuting pangako."

"Ngunit ang kagandahang-loob ng Panginoon ay mula sa walang hanggan hanggang sa walang hanggan sa mga natatakot sa kaniya, at ang kaniyang katuwiran ay sa mga anak ng mga anak; sa gayong nanginginig ng kaniyang tipan, at sa mga umaalaala ng kaniyang mga utos upang gawin."

"At dahil dito ay siya ang tagapamagitan ng isang bagong tipan, upang sa pamamagitan ng isang kamatayan na nauukol sa ikatutubos sa mga pagsalangsang na nandoon sa ilalim ng unang tipan, ang mga tinawag ay magsitanggap ng pangako na pamangking walang hanggan."

"Ngayon nga, kung inyong susundin ang aking tinig nang buong katapatan, at iingatan ang aking tipan, kayo nga ang magiging aking tanging kayamanan sa lahat ng mga bayan: sapagkat ang buong lupa ay akin:"

"Talastasin mo nga na ang Panginoon mong Diyos, ay siyang Diyos; ang tapat na Diyos, na nag-iingat ng tipan at naggagawad ng kagandahang-loob sa mga umiibig sa kaniya at tumutupad ng kaniyang mga utos, hanggang sa isang libong lahi;"

"Ang aking bahaghari ay inilalagay ko sa ulap, at siyang magiging tanda ng tipan sa akin at sa lupa."

"At ang Panginoon, ay siyang lumalakad sa unahan mo; siya'y sasa iyo, hindi ka niya kukulangin, ni pababayaan ka man: huwag kang matakot, ni manglupaypay."

"Sapagkat ang mga bundok ay mangababago, at ang mga burol ay mangatitira; ngunit ang aking kagandahang-loob ay hindi hihiwalay sa iyo, ni ang akin mang tipan ng kapayapaan ay mababago, sabi ng Panginoon na naaawa sa iyo."

"At siya'y natira doong kasama ng Panginoon na apatnapung araw at apatnapung gabi; hindi siya kumain ng tinapay, ni uminom man ng tubig. At isinulat niya sa mga tapyas ang mga salita ng tipan, ang Sangpung Utos."

"At siya'y humawak ng isang saro, at nagpasalamat, at ibinigay sa kanila, na sinasabi, “Magsiinom kayong lahat dito; sapagkat ito ang aking dugo ng tipan, na nabubuhos dahil sa marami sa ikapapatawad ng mga kasalanan.”"

"Gayon din naman ang saro, pagkatapos na makahapon, na sinasabi, “Ang sarong ito ay ang bagong tipan sa aking dugo, na nabubuhos dahil sa inyo.”"

"Ngayon, ang Diyos ng kapayapaan, na muling nagbangon mula sa mga patay sa ating Panginoong Jesus, ang dakilang Pastol ng mga tupa, sa pamamagitan ng dugo ng walang hanggang tipan, ay magsakdal nawa sa inyo sa bawat mabuting gawa upang gawin ang kanyang kalooban, habang ginagawa sa atin ang kalugod-lugod sa kanyang paningin, sa pamamagitan ni Jesu-Cristo; sa kanya ang kaluwalhatian magpakailanman. Amen."